【生活慳錢】香港生存大作戰！20個慳錢Tips幫你一年額外儲多一萬蚊！
在香港生活做咩都離不開錢，有無諗過生活中有好多小方法可以幫我們省下一筆金錢？有時只要去適合的地方買需要的東西，可能已經即刻慳到一半！會覺得在香港儲錢好難？今日想同大家分享我的20個慳錢Tips！全部都係經過實測🤣🤣！
Table of Contents
20個慳錢Tips
於藥房買飲品/紙巾/日用品
實測經驗：係藥房買日用品分分鐘平過係連鎖店買！其實一般連鎖店會有上架費，而藥房通常賣水貨，所以來貨成本平，賣貨都會平少少！
留意平價超市，如大生，比出面購買平很多
實測經驗：其實好多時平價超市的售價會比一般大型超市便宜約一成，而且品質都唔差。例如大生，最常買就係桂圓紅棗，真係好抵！而且都好多人買，一返貨記得多買幾包！
惠康/百佳/萬寧 Carousell 買現金券92折當錢用
實測經驗：推薦Carousell比大家用！好多賣家會放小優惠比大家用！就好似當你想買惠康/百佳/萬寧的野，其實都可以用92折買現金券當錢用。不過最後都要提大家，搵返D信譽良好的賣家做交易，始終錢銀上要小心！
留意超市折扣日或信用卡優惠，可以有92折！
(來源自: https://www.facebook.com/moneybackhk/pos)
實測經驗：依家好多大型超市或信用卡都有特定日子會做折扣優惠，趁當日入手會慳返少少錢！例如信用卡會同超市合作推出每月指定日子消費滿一百蚊就有92折！大家可以多follow一啲介紹著數優惠的渠道，咁就唔會錯過！
Kfc / M記/ 大家樂等快餐記得用coupon (eg：kfc $72二人餐超抵）
實測經驗：只要下載佢地嘅App做會員就可以用電子Coupon食野！而且真心慳好多！例如KFC用左券後只係$72就食到二人餐！超抵！
買實體書可以去台灣博客來買完一次過寄返屋企
實測經驗：香港買書貴不如係台灣買！台灣博客來好好用，又經常會有推廣優惠，大家可以係台灣買完一次過運返屋企！運費唔算貴又安全方便！
lherbs 買保健品（記得用優惠碼）
實測經驗：iHerb的保健品選擇非常豐富，又好抵買，而且網上成日有組合優惠，比你去連鎖店買平得多！買之前記得用優惠碼，再幫你慳多筆！
小家品去拼多多買
實測經驗：淘寶大家用得多啦，拼多多唔知又有無用過？其實同一樣產品係拼多多睇可能比你係淘寶睇平得多！依家買小家品我都去拼多多買！
歐美牌子，包括衫褲鞋襪可以在外國網購
實測經驗：其實係外國網買返歐美牌子的衣物係會平過係香港買！例如這個Amazon旗下的Shopbop，入面有好多歐美牌子，而且經常有折扣優惠，六都無購物門檻，所有訂單係免美國境內運費！可以慳返境內運費，一次過集運回港，真係可以平超多！
上台電話可以轉做儲值卡，如So SIM $33一個月有50GB! So Sim詳情
延伸閱讀：【生活理財】最強平價電話卡？$33 月費50GB SoSIM真人實測懶人包
實測經驗：依家電話上台要綁死好多年，有啲Plan貴之餘，網絡又收得唔算好，不如試下轉做儲值卡！隨時可以Cut！介紹大家用SoSIM，最平$33月費就有50GB data，真係超級抵啊！而且質素唔差，係地鐵都收得好順，Netflix同YouTube 照樣睇到，性價比超高！
多搭車就買全月通
實測經驗：打工仔除左食晏錢，另一個大開支就係車錢！日日搭地鐵錢真係好燒錢！大家可以多多善用月票！計好日子一個月内買齊2個月拎最多交通津貼！
網購用高回贈信用卡有4%-6%回贈！
實測經驗：用岩回贈高的信用卡可以有額外回贈，等於折上折，慳得更加多！網購用高回贈信用卡有4%-6%回贈！如HSBC Red card 有4%回贈！
用信用卡交費
實測經驗：請善用信用卡交費！依家好多卡都可以賺回贈，水電煤、學費等開支都可以比到！如用安信Earnmore卡交水電煤稅有1%-2%回贈！
大額消費開信用卡/股票行戶口食迎新
延伸閱讀：送過千蚊股票！最新美股限時開戶優惠及收費整合
實測經驗：新客戶迎新優惠一定係最抵！有時攞呢啲著數真係儲到好多錢！不過都想同返大家講，有需要先好開戶拎迎新優惠，始終投資涉及風險，係你資金許可下先好行動！
緊急預備金放高息活期/小本定期/ML戶口
實測經驗：一旦出現突發事情需要緊急預備金，點樣係短時間內搵到錢？建議可以將錢投放於高息活期/小本定期/ML戶口上，戶口內的資金可以隨時提取！
自煮簡易早餐
實測經驗：早餐可以食得好平！自己煮同出面餐廳食到的早餐材料差唔多，仲可以健康D！係街市超市買材料一次可以整到2-3日的早餐！例如自製牛油果碎蛋烤吐司配即沖咖啡已經係一餐好豐盛的早餐！
善用各大積分計劃
實測經驗：各大平台都會有唔同的積分計劃、積分推廣吸引大家用，可以好好善用唔同積分以換取適合自己的產品！如YUU 400分就可以換免費萄撻一個！
延伸閱讀：【生活理財】環保同時儲分！化廢為寶換廁紙、油、鹽、米！區區都有！附詳細介紹
約朋友低消費活動，或在家聚會
實測經驗：朋友聚會目的係聚舊，互相交流生活近況。未必一定次次見面都要食好買好，其實做一啲低消費活動，或在家聚會，都有同等效果！
去旅行準備信用卡免費入Lounge食飽飽
實測經驗：其實有唔少信用卡會同機場Lounge合作，憑信用卡就可以免費入去飲酒食野等上機！如最熱門的AE卡，每年可以有10次免費入全球Plaza Premium機場貴賓室！
善用各種免費資源，如圖書館等
實測經驗：係用錢前，認真諗下有無免費資源你係可以用到！實體同線上的免費資源其實多到數唔哂，只要你肯停一停，諗一諗，好多野都可以慳返！如圖書館，行書店見到心儀的書，可以試下去圖書館/線上圖書館(電子書)搵下先，好多時都有意想不到的收穫！
總結
只要精明消費，消費前做多步，諗一諗，好多野都可以慳返！
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
