【Kobo電子閱讀器用後感】Kobo Libra 2 電子閱讀器使用│評價│比較│分享│購買考慮│Review│Kindle

by Miss K
kobo 電子書閱讀器

【kobo電子閱讀器用後感】Kobo Libra 2 電子閱讀器使用│評價│比較│分享│購買考慮│Review

在出發旅居之前,經過了一輪資料搜集,和比較了不同電子閱讀器型號後,終於決定入手Kobo Libra 2!本身會擔心自己看不慣電子書,但用了一排的感覺非常好用,真心相逢恨晚!即刻同大家做個review。


延伸閱讀:限時派錢!最新美股開戶優惠整合

選擇Kobo Libra 2 的原因

我今次買的是Kobo Libra 2 ($1,699,2022年4月入手),好用的地方主要有7個!

1. 輕便:部機很細很輕,以前出門口想帶書看,要帶個比較大的袋😂 這部機可以直接放入細袋,而且非常輕,只有215g🤣

2. 可以單手用:如果只有自己食飯/躺在床上/排隊等等情況都可以單手看書,可以更好地利用碎片時間。另外佢會自動記低你看到邊一頁,幾時回來都可以回到之前的頁數。

3. 電子書比較平:電子書一般比實體書平2成到5成,而且Kobo每日都有一本99台幣特價的書,超級抵買!小數怕長計,長期下來買電子書會省到不少,我計過,大約看夠20本99台幣書就可以回到閱讀器的本🤣!

4. 電池很強大:我是一個超級懶充電的人,但部機電池耐用度就好似仙人掌一樣,一星星期無充電都keep到有電可以用🤣

5. 防水:因為去長期旅行的關係 (follow 旅行IG看旅居生活),有時可能去玩水/潮濕的地方,有防水功能會安心好多,我試過浸住浴睇書都無問題🙈。另外因為防水,可以直接用酒精消毒😛

6. 可以自動調節角度同埋光線:無論你係打橫定係打直看,只要拿起部機,它就會自動幫你調較角度,讓你可以順暢閱讀,Kobo這方面的靈敏度比手機更高。另外部機都會自動隨環境調較光線,夜晚睇書都比較不傷眼。

7. 白色!:顏值即正義,呢部機的白色超靚超有質感!其他好多型號只係得黑色/灰色揀,不太吸引。


Kobo缺點

1. 反應有時會比較慢:我基本不看漫畫,只看文字,但如果轉頁時有圖片,有時都要少少時間load,不過可接受。如果是用來看漫畫,就要注意速度問題)

2. 中文輸入法只有倉頡:自己本身打開速成,但Kobo只可以打倉頡,好彩只是買書的時候才要打字😂 我一般都用電腦上官網買書先,網頁版買書價錢一樣,但方便好多,可以打速成。

3. Kobo可以免費借圖書館的電子書,但選擇不多,而且好似只有英文書,借書呢個選項基本上可以忽略。

4. 書城限定:可以睇的書被內置的書城限制了,最新/少人看的書可能會無得買。雖然可以外面買完電子書傳入去Kobo睇,不過始終比較麻煩,我知道有少數的電子閱讀器型號是開放式,不用跟內置書城買,可以隨時看不同的書。


Kobo系列另一平價選擇:Kobo Nia 

除咗呢部Libra 2 ($1,699)之外,Kobo仲有部平價系列:Kobo Nia,只是要$799,平過Libra 2一半以上,cp值超級高!拎過朋友的Nia上手,感覺都唔錯!而且再細部一點,帶出街更加方便。

Libra 2 vs Nia 主要有3個分別:
1. Libra 2有按鈕for前後頁,Nia無
2. Libra 2有防水功能,Nia無
3. Libra 2可以隨環境同埋光線自動調較光暗/黃白光,對眼睛好啲,Nia無得自動,同埋好似無黃光

另外就係像素同埋尺寸大少的分別,同埋得Libra 2有白色!

我揀Libra 2主因其實係因為防水🤣🤣🤣 我擔心太隨性的我去旅行的時間會有水災,有防水就不怕會整壞部機!另外有按鈕感覺實在很多!不過以性價比而言,我覺得Kobo Nia $799都非常抵用!


購買時其他考慮

p.s 1:本身有考慮過買ipad mini代替電子閱讀器,ipad mini 比較貴但一樣可以看書,還可以睇片及上網,但因為本身已經有部輕便的notebook跟身,而且想專心看書,不用看看下書去了上網🤣 同埋預計會長時間睇書想對隻眼好點,所以都是決定買電子閱讀器。

p.s 2:電子閱讀器有好多款,包括成日聽的Amazon Kindle,台灣moonink等等!因為電子閱讀器多數有自己的書城apps,所以一定要考慮本身閱讀器個書城有什麼書,出去額外買會麻煩!我就是因為Kindle主要都係英文書,中文書選擇不多,所以沒有揀Kindle!至於最多中文書的台灣moonink,價錢就比較貴,要$2000以上,Kobo價錢比較吸引!

p.s 3:不同型號的電子閱讀器一般都有建議零售價,所以去不同地方買應該都是一樣價錢,可以留意商店有沒有贈品。我在豐澤就送了$150電子書現金券,不過sales哥哥明明說可以一次過用全部書卷,但原來每次只係可以用一張,這個位感覺有點差☹️

最後,因為我無用過其他型號的電子閱讀器,所以我幫不到大家比較邊個型號最好/最正/最適合你!但以投資的角度而言,電子閱讀器真的是一個好好的投資!除了小數怕長計,長期以來實體書同埋電子書的差價可以幫你回本之外,電子書的確可以令你看書的時間大大增加!

看書是一個人底氣同埋智慧的根本,亦是世界上最值得的投資。只有抱住一個開放的心多去睇書,大量閱讀不同類型的書籍,一個人先會越來越聰明/快樂/幸福/博學/謙虛,而這種帶給人生的改變,是絕對無辦法用一個數字衡量♥️!

延伸閱讀:【菲律賓買樓】菲律賓買樓懶人包!12條有關菲律賓買樓、回報、稅項、按揭的問答

延伸閱讀:【日本買樓】日本買樓懶人包!12條有關日本買樓 (回報、稅項、按揭) 的問答

延伸閱讀:【英國買樓】英國買樓懶人包!10條有關英國買樓 (簡介、準備、程序、稅項、按揭) 的問答


Miss K 投資理財札記
請Follow IG:@missk_blog (比較活躍)
及 subscribe Youtube:Miss K Youtube channel

Fire財務自由,提早退休取回生活主動權 ? 由加密貨幣股票投資 ,由英國樓日本樓菲律賓樓為你帶來市場最新投資資訊,不同的慳錢小貼士,經MissK連結,無論是富途牛牛開戶Binance幣安開戶Bybit 開戶等!不同平台的開戶優惠,為你帶來價值接近上萬港元的回贈。由今日開始,一同為財務自由而努力 !


如果這篇文章有幫助到你 ,請幫我在下面的拍手圖案拍五下,只要登入FB或Gmail,簡單的一個動作就可以支持我寫更多投資理財分享,謝謝你!

You may also like

Leave a Comment

error: Content is protected !!