【中南美洲簽證】 2023年最新！BNO vs 特區護照：中南美洲簽證實測！
去旅行時揀用BNO定特區護照入境，係香港人獨有的煩惱，亦係獨有的優勢！基本上，在中南美洲，拎住BNO + 特區 + 美國簽證，係一個好無敵的組合。
可惜的是我無有效的美簽 (之前exchange有張學生簽，已經係好耐之前的事…) 。所以最後為免麻煩，直接skip了危地馬拉等C4四國簽證，聽講有美簽就會即日可以批到visa！以下講一講我曾經去過的中美洲國家簽證情況，不過簽證真係隨時變
去之前一定一定要再double confirm！
延伸閱讀：送過千蚊股票！最新美股限時開戶優惠及收費整合
中南美各國簽證
(以下根據地圖由上至下排列，2023年1月資料)
墨西哥：特區護照免簽90日，BNO 免簽180日 (不過唔知點解，Mexico離境唔需要過海關…)
哥斯達黎加：BNO免簽30日，特區要簽證，如有美簽就免簽
巴拿馬：掉返轉特區免簽30日，BNO要簽證，如有用過一次的美簽就免簽 (注意要用過一次…)
哥倫比亞：特區/BNO皆免簽180日
秘魯：特區免簽90日，BNO免簽183日
巴西：特區/BNO皆免簽90日
玻利維亞：特區/BNO皆需要簽證，簽證費30美金 (亦有朋友試過用BNO闖關成功，因為英國護照入境玻利維亞免簽，BNO理論上要簽證，不過南美洲人做野求求其其……所以睇你博唔博，如果博唔成功，即場做落地簽約100美金，貴好多！)
智利：特區/BNO皆免簽90日
巴拉圭：巴拉圭係世界上唯一一個國家將BNO等同英國護照，持BNO免簽90日。特區護照需簽證 (題外話，我地特登在秘魯問咗巴拉圭大使館，佢都要搵一大輪資料先答到我地)
阿根廷：特區免簽90日，BNO免簽30日
小結
以上係我自己實測過的資料~ 希望幫到嚟緊會去的大家！btw我去的時候，中南美各國絕大部分已無covid限制，不過至少打2針+帶針紙穩陣啲！
延伸閱讀：【數碼遊牧】什麼是數碼遊牧？環遊世界同時賺錢，享受時間自由，空間自由！
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
