其實有唔少信用卡會同機場Lounge合作，憑信用卡就可以免費入去飲酒食野等上機！即刻同大家介紹一下６張免費入Lounge 信用卡！等大家開心去旅行！
延伸閱讀：送過千蚊股票！最新美股限時開戶優惠及收費整合
Table of Contents
AE Explorer信用卡 (最熱門)
AE Explorer信用卡係最多人用的入lounge信用卡，有呢張卡就可以每年免費入全球Plaza Premium機場貴賓室共10次，仲可以免費申請附屬卡同親友一齊入免費貴賓室 (Quota共用！)，仲送免費旅遊保障！
申請要求及年費
年薪要求：30萬或以上 (批核勁寬鬆)
年費：首年免年費，其後每年港幣$1800
可使用的機場貴賓室：Plaza Premium機場貴賓室
HSBC EveryMile信用卡 (次熱門)
匯豐Everymiles信用卡，呢張卡用來儲里數真係一流。除咗日常消費如搭巴士、入油等低至HK$2/1里之外，宜家仲有個限時優惠，宜家至6月30日前，每階段首$15,000海外及外幣簽賬全部都係$2/里！(需登記，詳情)。呢張信用卡可以儲到16種飛行常客計劃或酒店獎勵計劃，包括asiamiles，avios，新航Kris Flyer，萬豪酒店等，好正好吸引！入返正題，HSBC Everymiles持卡人每年可免費入6次lounge，去旅行仲包埋包免費旅遊保險添。(注意呢張卡無得申請附屬卡同屋企人一齊用)
申請要求及年費
年薪要求：24萬或以上
年費：首年免年費，其後年度只要簽賬滿12萬即可獲豁免年費 (港幣$2,000)
可使用的機場貴賓室：Plaza Premium機場貴賓室及指定機場餐廳 (清單)
Citi PremierMiles 信用卡
Citi PremierMiles 海外同網上外幣簽賬簽滿2萬可享低至$3/里優惠，回贈不設上限，岩晒大家去旅行掃貨！仲可以申請附屬卡添！Citi PremierMiles持有人可以每年免費入12次指定嘅環亞機場貴賓室 (每次入Lounge後須於30日內簽夠HK$5,000方合資格)。
申請要求及年費
年薪要求：12萬或以上 (即月入一萬就得！)
年費：首年免年費，其後每年港幣$1800
可使用的機場貴賓室：指定Plaza Premium機場貴賓室
Citi Prestige Mastercard
Citi Prestige Mastercard卡最正係包Priority Pass，除咗一般信用卡送的Plaza Premium機場貴賓室之外，仲可以無限次入到全球超過1,300間同Priority Pass合作的貴賓室，基本上去邊都有lounge可以歎，同埋訂四晚酒店免費送一晚優惠！
申請要求及年費
年薪要求：60萬或以上
年費：每年港幣$3,800
可使用的機場貴賓室：Plaza Premium機場貴賓室及Priority Pass機場貴賓室
延伸閱讀：【摩洛哥旅遊】超簡單！由非洲摩洛哥坐船去歐洲全攻略！Sailing from Africa to Europe！
美國運通白金卡 (細頭) The Platinum Card®
AE美國運通白金卡 (細頭) 可以無限次入全球The Centurion® Lounge、Priority Pass、Plaza Premium機場貴賓室同埋送旅遊保險，同送多間酒店集團會籍！本地/海外都有HK$2,000餐飲回贈！仲可以免費開2張附屬卡俾屋企人或男女朋友，最正係不論主卡同埋附屬卡，都可以免費帶多2個朋友入Plaza Premium機場貴賓室！不過年費硬食$7.800！
申請要求及年費
年薪要求：無列明年薪要求
年費：每年港幣$7,800，不設豁免
可使用的機場貴賓室：全球The Centurion Lounge、Priority Pass及Plaza Premium機場貴賓室
安信EarnMORE銀聯鑽石卡
安信EarnMORE銀聯鑽石卡入lounge比較複雜，要先登記並消費滿$1,000 先可以憑兌換券免費入lounge，而且有qouta限制 (詳情)！不過呢張卡本身簽外幣無手續費，同埋有2%回贈，旅行可以無腦簽呢張卡，介紹埋俾大家！呢張卡可以入到包括環亞貴賓室及全球指定130多間LoungeKey機場貴賓室。
申請要求及年費
年薪要求：15萬或以上
年費：首兩年免年費，其後每年港幣$800
可使用的機場貴賓室：環亞貴賓室、LoungeKey大中華機場貴賓室
總結
張張入Lounge信用卡都好吸引，個人比較中意用AE Explorer卡，可以免費入到10次Lounge，入門用佢就最好！其次HSBC張 everymiles都易申請！
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
