$50可以做到咩？現在香港百物騰貴，有時出街食飯，無無謂謂都食了百幾二百蚊，長期計都是一筆很大的開支！但有時屋企無煮家飯食，或者想同朋友，或者另一半出去食，到底有什麼地方可以平少少食到晚餐？
今次就同大家介紹7個$50晚餐的選擇！平日有意識精明用錢，儲錢自然輕鬆同埋快好多喇！
Table of Contents
すき家SUKIYA
作為日本過江龍店，相信大家都有聽過Sukiya嘅大名。Sukiya真心好抵食，招牌的牛丼只係$25 起！仲有得加日本溫泉蛋，同埋食豚肉飯、鰻魚飯、咖哩飯等！(Sukiya官網)
嚟緊Sukiya仲會在香港開多幾間分店添！
Chicken Factory
Chicken Factory 主打烤雞，是想要健康、高蛋白質低碳水化合物，和減肥之選！$50 就有半隻烤雞 +烤時蔬/油飯/焗薯 (3揀2)，男生食也足夠飽！Chicken Factory 有很多分店，而且可以堂食！(Chicken Factory官網)
華御結
華御結相信係OL最愛，佢地的飯團又真係特別好食，個人最鐘意食華御結的濃香蛋汁牛壽喜燒！另外華御結的湯都相當不錯，套餐價$47起就可以買到2個御結同埋湯或者沙律，輕食之選！(華御結官網)
熟食中心
相比起華御結細細份，熟食中心大件夾抵食，男士們一定食得好開心！熟食中心有大量$50樓下的飯麵選擇，好似相片中的乾炒牛河，連飲品都只係$40！最方便的熟食中心可以去旺角或鰂魚涌！
譚仔
糧尾恩物，梗係唔少得親愛的譚仔喇！坐低食返碗熱辣辣的「勿演畜牲懶肉生小辣」，都只係盛惠$50左右。(譚仔官網)
兩餸飯
兩餸飯在疫情期間極速紅起來，二十幾蚊起就食到2種家常小菜，包括咕嚕肉、魚香茄子、蒸肉餅等港人愛食菜色。仲要日日都勁多選擇，平靚正又飽肚，分分鐘仲平過自己煮，興到有埋個十萬人的關注組添！兩餸飯店佈滿全港，就連食飯超貴的中環都搵到$25 兩餸飯，超不可思議！一家人食仲可以試下唔同菜色，有多啲錢仲可以加餸食三餸飯添！
唐記
唐記全日都有點心同埋蒸飯，有北菇雞飯、鳳爪排骨飯等，有酒樓的質素但平很多！有時遲收工，10點前都可以買到蒸飯，快而且夠熱，算是不錯的選擇。
小結
以上推介了7個$50晚餐選擇，一星期食足7日都唔怕重複，想慳錢今晚就睇下去邊度食喇！如果你有其他$50晚餐推介，都歡迎話我知！
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
想Fire財務自由，提早退休取回生活主動權 ? 由股票投資到加密貨幣 ，由英國樓到日本樓、菲律賓樓為你帶來市場最新投資資訊，不同的慳錢小貼士，經MissK連結，無論是富途牛牛開戶、華泰證券開戶、老虎證券開戶等！不同平台的開戶優惠，為你帶來價值接近上萬港元的回贈。由今日開始，一同為財務自由而努力 !
