繼之前熱炒的生物科技股康方生物 (09926) 同埋沛嘉醫療 (09996) 之後，今年仲有唔少有話題的新股排隊上市，吸引了唔少人加入抽IPO大軍。至於點睇一隻新股抽唔抽得過？有4點大家一定要留意！
Table of Contents
行業類型/話題性
Marketing 講Gimmick，新股亦講話題性。有話題/概念性的新股往往可以搏到市場關注，增加市場對其前景的憧憬，其潛在股價亦跟著水漲船高。好似最近的移卡 (9923) 就因為得到騰訊入股，被譽為「騰訊概念股」，入飛反應熱烈。
另外有部分行業類型屬於當炒行業，市場對行業看好，投資者基本上是排著隊等入飛。好似呢排嘅生物科技股，或者有大型母企支持嘅物業管理股等等，見到有呢個行業嘅IPO上市就要準備喇！
保薦人
保薦人是協助公司申請上市時，與上市委員會交手的中介機構，責任是確保公司符合所有上市條件，類似一個保母的角色。保薦人亦需要安排穩定新股一個月內嘅價格，如果新股上市表現不似預期，部份保薦人更會出手護盤，入市吸納股票以推高股價。
保薦人的質素和新股的走向成一定正比，其保薦往績有相當參考價值。有部份保薦人相當穩陣，好像摩根士丹利，其所保薦的新股於首日上市升多跌少，有不少之後的累積表現更可用亮麗來形容，新東方在線 (1797)是其中一個例子。
亦有保薦人的新股多數向下炒，新股上市後一段時間，股價會腰斬，這個不開名了，想知就私下講。
aastock有一版講保薦人比較，有齊近兩年保薦新股表現資料，大家可以參考下。
▼ Aastock 的保薦人比較資料
延伸閱讀：懶人投資法！港紙$1,000 起投資房地產！香港、美國、新加坡 Reits大比較
超購倍數
短炒IPO係炒緊極短期的供求，如果超購倍數極高，證明有熱錢追捧，開市即放的獲利機會非常高。好似之前嘅沛嘉醫療(09996) 超額1,183倍，首日上市就升近七成。
認購IPO期間，各大券商都會公布IPO嘅借出孖展額度，如果見到反應熱烈，有新聞彈出，可以跟抽少少當買六合彩。
基石投資者實力
基石投資者通常是機構投資者、大型企業、基金等大手投資者。基石投資者可以優先認購股份，並需要持有一定時間(禁售期)。
基石投資者擁有更多市場資訊同埋經驗，如果新股吸納了很多有實力的基石投資者，可以相信新股有一定吸引力。相反，如果只係吸引到少量實力一般的基石投資者，新股的競爭力就可能較次，難以給市場信心。
簡單嚟講，我們看基石投資者的組合，其實就係借助基石投資者的眼光作新股的篩選工具。開拓藥業 (9939)就因為基石投資者一般而被看低一線，及後其上市表現亦強差人意，遠遠差過同行業的康方生物 (09926) 同埋沛嘉醫療 (09996)。
延伸閱讀：什麼是ETF？5分鐘ETF新手入門攻略
小結
一年有不少新股上市，但不是每一隻都值得抽。不過如果新股符合以上四點：行業類型當炒/有話題性、保薦人優質、超購倍數多和基石投資者實力強，那就不要猶豫，盡情抽爆佢！
