【政府派錢】$5,000電子消費券懶人包!7月4日開始申請!即睇消費券詳情、領取方法、重要日期及消費券使用提案

by Miss K
政府消費券

萬眾期待的$5,000電子消費券最快7月4日可以申請!今次Miss K 整合咗$5,000電子消費券懶人包俾大家,即刻睇埋下面詳情、領取方法同埋計劃重要日期喇!另外仲幫大家諗咗5個消費券使用提案添!


【$5,000消費券優惠集合】一文睇清4大平台消費券優惠 (八達通、Alipay HK、WeChat Pay HK、Tap&Go)

消費券計劃詳情

為帶動本地消費,政府宣佈推出電子消費券計劃,向每名合資格人士派發$5,000,使用範圍包括全港十萬間本地零售、飲食及服務業實體店或網店,適用範圍超級廣,所以和派現金真的沒有太大分別!

消費券登記期:7月4日至8月14日

申請資格:18歲或以上通常在港居住的香港居民即可申請!


消費券申請方法

市民可以選擇Alipay HK、 WeChat Pay HK、Tap&Go或八達通四種工具其中一種申請,並以電子或書面登記。

電子登記

合資格人士可以在消費券計劃網站進行電子登記,上載香港身分證做身分認證即可!大家如果之前有拎過政府的現金發放計劃,輸入返簡單資料就可以完成登記! (電子登記詳情)

書面登記

除電子登記外,合資格人士亦可選擇遞交書面登記表格並連同香港身分證複本釘好及對摺,然後於辦公時間投入任何一間郵政局或指定銀行分行內的表格收集箱,並無需親身排隊遞交表格。(書面登記詳情 / 收集箱地點

延伸閱讀:【抽新股教學】點知IPO抽唔抽得過?一文看清抽IPO的4大重點


消費券適用店鋪及範圍

消費券可以於各實體店或網店使用,包括零售﹑餐飲﹑服務行業、持有商業登記的網店、交通工具費用等,可以去食自助餐、買衫褲鞋襪、家居用品,亦可以去買書買notebook

不適用範圍:海外消費、無商業登記的網店、繳交水電費或稅項、購買金融產品、轉賬、個人對個人轉帳 (p2p) 等,也不可兌換現金。


消費券領取詳情及日期

今次$5,000消費券會視乎選擇的支付工具平台,按申請日期分兩或三期發放。如選擇用Alipay HK / WeChat Pay HK / Tap&Go 會分2期發放:$2,000 及 $3,000、八達通則分3期發放:$2,000 、 $2,000 及 $1,000。

Alipay HK / WeChat Pay HK / Tap&Go

申請日期 第一期$2,000 第二期$3,000
7月4日至17日完成電子登記 8月1日發放 10月1日發放
7月18日至8月14日完成電子登記,或書面登記 9月1日發放 11月1日發放

八達通 (八達通有優惠,早登記最多有$188增值額!)

申請日期
7月4日至17日完成電子登記

第一期$2,000 會於8月1日發放

第二期$2,000 會於10月1日發放

第三期$1,000 會按完成消費首兩期共4,000總額的日期發放。(最早於12月16日發放,最遲會於2022年3月16日發放)*

7月18日至8月14日完成電子登記,或書面登記

第一期$2,000會於9月1日發放

第二期$2,000會於11月1日發放

第三期$1,000會按完成消費首兩期共$4,000總額的日期。(最早可於2022年1月16日發放,最遲會於4月16日發放)*

*如第一批未能於22年2月28日,或第二批未能於3月31日前「合資格消費」累積總額滿$4,000 (前2期總額),則不會獲得第三期$1,000 電子消費券


5個消費券使用提案

收到$5,000 消費券你會點用?以下係5個使用提案,大家可以集思廣益一下,最緊要用得其所!

1. 直接補貼交通費:可以用八達通申請,然後將$5,000直接當作平時上班/上學的交通費使用,最長可以攤開幾個月使用,亦可以疊加領取交通補貼,生活費即刻慳到$5,000!

2. 買notebook/相機:平時未必捨得用一大舊錢換notebook/相機,宜家係時候喇!

3. Staycation 歎酒店:去staycation放鬆下食下好西,另一半家人朋友生日亦都可以俾個驚喜佢地!

4. 買電器:投資返屋企,睇下屋企有咩電器需要換或者買,Miss K 睇緊洗碗機想促進家庭和諧。

5. 支持黃色經濟圈:拎咗政府呢$5,000,去岩心水的餐廳、小店、店鋪消費!


常見問題 Q&A

1. 唔同年紀要分批申請嗎?

答:不同年齡層的合資格人士可以同時於7月4日至8月14日申請

2. 我點樣知道登記已經完成?

答:大家透過消費券計劃網站進行電子登記,系統會在完成登記後即時顯示登記確認通知,亦會以SMS發出登記確認通知。如果以書面登記,政府會在約五個工作天內,以SMS發出登記確認通知。

3.  消費券有效期為何?

支付寶香港、Tap & Go「拍住賞」、WeChat Pay HK:第一期發放日子的五個月內

八達通:沒有使用期限限制,但如登記人於第一期消費券發放起計七個月內的「合資格消費」累積總額少於$4,000,便不會獲發放第三期的$1,000消費券

4. 點為之通常在港居住的香港居民?有出外去過旅行、讀書、工作算唔算?

如果你無在2021年6月18日之前連續24個月不在香港,你都符合在港居住的條件,另外以下6點可獲豁免。

A. 是「綜援長者廣東及福建省養老計劃」、「廣東計劃」或「福建計劃」的受惠人;

B. 在香港以外獲有關當局認可的學校/大學就讀;

C. 是由勞工處推行的「工作假期計劃」的參加者;

D. 因健康問題須在香港以外住院;

E. 須為香港特別行政區政府(「政府」)或位於香港的公司/機構短期*在香港以外執行職務,或須陪伴執行此等職務的直系親屬;及/或

F. 有其他就本計劃而言政府可能釐定為合理的特殊原因。


小總結

今次$5,000 電子消費券等同政府派錢,大家記得mark實申請日期,早申請早享受!另外記得要好好善用呢$5,000,把錢用在值得的地方!

延伸閱讀:【菲律賓買樓】菲律賓買樓懶人包!12條有關菲律賓買樓、回報、稅項、按揭的問答

延伸閱讀:【日本買樓】日本買樓懶人包!12條有關日本買樓 (回報、稅項、按揭) 的問答

延伸閱讀:【英國買樓】英國買樓懶人包!10條有關英國買樓 (簡介、準備、程序、稅項、按揭) 的問答


Miss K 投資理財札記
請Follow IG:@missk_blog (比較活躍)
及 subscribe Youtube:Miss K Youtube channel

如果這篇文章有幫助到你 ,請幫我在下面的拍手圖案拍五下,只要登入FB或Gmail,簡單的一個動作就可以支持我寫更多投資理財分享,謝謝你!

You may also like

Leave a Comment

error: Content is protected !!