【世界美食】環遊世界半年！7樣我食過最深刻的美食
出發咁耐，由亞洲去到非洲，再由歐洲去到中南美洲😆 中途真係食過唔同國家當地的好西 (當然都有中伏野🥲) 今次就一次過盤點下，旅途上我食過最深刻的7種美食分享俾大家！🤣
延伸閱讀：送過千蚊股票！最新美股限時開戶優惠及收費整合
1. 海膽意粉 📍 秘魯利馬
秘魯海膽意粉
利馬係南美美食之都，超多各種唔同的美食，但無一樣夠呢碟海贍意粉嚟😭呢碟意粉真係痴咗線咁好食😭😭人生食過最鮮甜的海膽，大大啖好滿足🤣 好食到我最後在利馬轉機7個鐘空檔，都要特登出去食呢碟海膽意粉❤️
2：牛扒 📍 阿根廷
阿根廷牛扒舉世知名，但真心無諗過係咁有牛味，仲要係連超市的牛扒質素都奇高🥺根本唔使落咩調味料，亦都唔需要咩煮食技巧，簡簡單單加鹽煎已經好食到飛起，秒殺香港幾百蚊一塊所謂的靚牛扒🤪
延伸閱讀：【數碼遊牧】什麼是數碼遊牧？環遊世界同時賺錢，享受時間自由，空間自由！
3. 生蠔 📍 巴西Florianópolis
巴西一直俾人的感覺都係肉、肉同埋肉，無諗過我會在巴西食到我人生中食過最新鮮最高cp值的生蠔！！！生蠔超鮮甜超有海水味，真真正正一啲腥味都無，完全停唔到口😍 而且計返只係港幣$5一隻！
餐廳有自己的養蠔場同埋碼頭，見住啲員工即捉即開生蠔，連視覺上都好震撼啊！
4. 炸海鮮拼盤 📍 歐洲郵輪
歐洲坐郵輪一直係喺我夢想bucket list度，在今次旅程度都終於實現到☺️但因為之前在香港坐郵輪的經驗，我一直對佢地的餐飲都無咩期望，在上船前仲特登食咗餐好先😆
不過估唔到我只係搭大眾品牌MSC，個餐飲已經相當唔錯，晚晚都係fine dine放題，而且野食真係有水準🤣！有一次叫咗個炸海鮮拼盤🤯 可能因為好新鮮，真係超級好食😍 即刻想再encore！
5. 牛扒配鵝肝📍西班牙Barcelona
好耐之前在香港朗廷酒店食過佢地主打的「牛扒配鴨肝」，當時已經覺得好好食😍！估唔到真正的牛扒配鵝肝係再好食多幾倍😭😭😭 而且西班牙Barcelona 好多餐廳都有供應呢道菜，盛惠7歐一碟咋！入口即溶的鴨肝配埋juicy又煎得好香的牛扒，只係想問句西班牙的野食點解可以咁好食🥺
6. 小墨魚Tapa📍西班牙&直布羅陀邊境
在摩洛哥搭船去到西班牙後，咁岩撞到個朋友有2個鐘空檔，所以我地隨心在巴士站隔離，搵咗間不知名小餐廳食個快飯。本來諗住食物係次要，但可能我地岩岩在摩洛哥出嚟，個小墨魚Tapa真心一試難忘😆☺️超超超鮮甜，直頭有刺身的感覺！
食完個小墨魚Tapa，我一直都念念不忘……可惜嘅係就算在之後一個月西班牙葡萄牙之旅一直搵，都再搵唔到呢道菜luuuu🥲
7. Khao Soi 泰北咖哩麵📍泰國清邁
清邁Khao Soi 泰北咖哩麵
清邁係平民美食天堂，普通街邊的粉面、豬手飯、海南雞飯、烤雞等等已經好好食😍 就連米芝蓮認證的魚蛋粉都係十幾蚊港紙，生活在清邁每一日個胃都好滿足！不過留咗係清邁個幾月，我最深刻都係清邁山區一間隱世的Khao Soi 泰北咖哩麵😆 小店唔係市中心，而係要特登揸成個鐘車上山食😂 果時同十幾個在co-living的朋友分開幾架車上去食，對住個山景食Khao Soi，秘制咖哩湯底真係好香好惹味🥺成件事係清邁最美好的回憶之一。
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
