【$5,000消費券優惠集合】4種拎錢方法點揀好?一文睇清4大平台消費券優惠 (八達通、Alipay HK、WeChat Pay HK、Tap&Go)

by Miss K

$5,000消費券將於7月4日開始申請,今次總共可以經4大平台拎消費券!為咗搶客,4大平台都各自推出優惠,好似八達通送最多$118增值額、Alipay HK送$30早鳥獎賞,兼有一連串活動,最多送10部iPhone 12 Pro Max!今次Miss K 一次過整合晒4大平台消費券優惠,大家睇完記得分享埋俾朋友!


【政府派錢】$5,000電子消費券懶人包詳情

八達通

八達通的優惠算是最實用,最多送額外$118增值額!另有一系列商戶和商場優惠!

八達通優惠

早登記
先賺賞
首200萬位到政府消費券計劃網站成功登記選用八達通卡使消費券的客戶,並將八達通卡加入八達通 App,即可賺八達通增值額 $18!(先到先得,優惠期由7月4日至9月2日,詳情)
月用月賺賞 憑合資格八達通卡,單月零售消費滿 $1,000 (累積$200或以上的零售消費),可賺八達通增值額 $50,連續 2個月推廣期總共可賺八達通增值額高達 $100!(推廣期由8月1日至9月30日,詳情)
商戶優惠券 以八達通卡使用消費券,即可於八達通App領取一系列商戶優惠券,總值超過$3,000。
優惠商戶名單
商場優惠 八達通聯同各大商場,準備了一系列消費優惠
優惠商場名單


Alipay HK

Alipay優惠活動是4間入面最豐富,但部分都幾離地,其中一個獎賞係可以參加七師傅譚仔見面會~ (詳情)

早鳥獎賞 7月3日前經AlipayHK提前訂閱政府電子消費券資訊,並以Alipay HK登記領取消費券,即可獲得$30早鳥獎賞 (6張$5禮券)
超離地
特別賞
於指定登記期內,首兩位Alipay HK用戶成功登記消費券,即可贏取獎賞。

  • 7月4日登記:與大廚張錦祥享用多國菜之旅
  • 7月11日登記:麥當勞全年365個巨無霸R餐
  • 7月18日登記:與七師傅譚仔見面會
  • 7月25日登記:$30,000Alipay HK易乘碼乘車券
  • 8月1日登記:保誠香港網球公開賽貴賓包廂入場門票
  • 8月8日登記:培生擂台無敵杯VIP入場門票
「友」勁賞 7月4日起,成功登記用戶可參與「友」勁賞集氣活動,成功分享予指定數量好友,可額外獲得獎賞,每位用戶可獲高達$5,000勁賞禮券!頭10位分享次數最多者,更可獲一部iPhone 12 Pro Max!
5000元獎賞 在12月31日前,每月消費次數最多的10位用戶,可獲$5,000獎賞。


WeChat Pay HK

Wechat登記即賺$10,和一系列商戶優惠!

早鳥訂閱有賞 9月1日前訂閱WeChat Pay HK早鳥消費券資訊,即賺$10。另外更可領取超過100間商店優惠,包括HKTVmall、一田超市、OK便利店、麥當勞、大家樂等。
加碼賞 邀請親友訂閱消費券資訊,並且選用WeChat Pay登記消費券,每成功邀請一位親友,即可獲得$20WeChat Pay加碼賞。
迎新狂賞 新用戶註冊並使用WeChat,可獲得$20電子現金券。


Tap&Go 拍住賞

相較之下,Tap&Go拍住賞是4間平台當中最少優惠提供的。但Tap&Go有Mastercard和銀聯虛擬卡功能,大家領取消費券之後,可以在Tap&Go內自由調動金額到Tap&Go的Mastercard或銀聯虛擬卡戶口,彈性很高,使用起來也很方便!

Tap&Go 優惠

太古廣場、太古城中心及東薈城名店倉購物獎賞 於7月30日至10月31日期間,只要使用Tap & Go「拍住賞」於3間商場的商戶消費,憑合資格簽賬即可換領最高總值超過港幣$9,000的購物獎賞,包括商場及商戶現金券和獨家禮品,名額有限,先到先得。

Never Give Up
網上慈善演唱會
電子門票

7月24日中午12時前,Tap & Go用戶只要在App內記下推薦碼,並以此首次成功登記DrGo,即可獲得MIRROR成員Anson Lo、Edan Lui呂爵安及陳卓賢的「Never Give Up網上慈善演唱會」電子門票一張,和 DrGo 200元電子券一張、 原味家作30元電子現金券一張


小總結

以上一次過整合了消費券4大領取平台的優惠,包括八達通、Alipay HK、WeChat Pay HK、Tap&Go!至於Miss K 自己會揀用八達通,佛系用都一定用得完$5,000 之餘,$118 增值額相對比較實際!

延伸閱讀:【菲律賓買樓】菲律賓買樓懶人包!12條有關菲律賓買樓、回報、稅項、按揭的問答

延伸閱讀:【日本買樓】日本買樓懶人包!12條有關日本買樓 (回報、稅項、按揭) 的問答

延伸閱讀:【英國買樓】英國買樓懶人包!10條有關英國買樓 (簡介、準備、程序、稅項、按揭) 的問答


Miss K 投資理財札記
請Follow IG:@missk_blog (比較活躍)
及 subscribe Youtube:Miss K Youtube channel

如果這篇文章有幫助到你 ,請幫我在下面的拍手圖案拍五下,只要登入FB或Gmail,簡單的一個動作就可以支持我寫更多投資理財分享,謝謝你!

You may also like

Leave a Comment

error: Content is protected !!