【生活慳錢】慳錢智慧大發現！食飯必備慳錢神器！幫你慳錢同時賺取現金回贈＆積分！Openrice Pay簡介 + 手把手教你買Coupon (即買即用) + 超抵實測分享
平時出街食飯除咗可以用信用卡賺現金回贈外，仲有個方法可以幫你慳上加慳！好好善用手頭上的每一蚊，會發現慳錢都有好多樂趣！今日分享一個慳錢神器比大家，用咗佢食飯之後 Total 幫我慳咗接近成$140！就係Openrice Pay！Openrice會不定期同餐廳、信用卡、銀行推優惠同餐飲券，下文會教大家點樣善用資源，分享我的超抵慳錢方法！
Table of Contents
Openrice Pay簡介
Openrice Pay 是 OpenRice App 內的付款工具，原理同payme差不多，只要掃付款Code，就可以成功買到Coupon，又或者比錢買單。
不定期推出優惠活動
Openrice一向都有同不同餐廳、信用卡、銀行合作，推出現金折扣、Coupon同賺積分優惠*，比大家用最抵的價錢享受美食！
*以上優惠活動只供參考，最新優惠請到Openrice查閱。
今次想同大家講Openrice的餐飲Coupon (按此)，禁入去可以根據你要求搵優惠！大部分的Coupon都可以即買即用，但都提大家買之前記得睇清楚條款及細則！
實測分享
一向鍾意食和民，佢Lunch Set好味又抵食，呢個黑椒肥牛飯 Lunch Set，價錢係$68 + 加一，即$74.8！
自從研究咗呢個慳錢方法後，成功幫我慳近成$140！仲可以即買即用！
最後分享多一個慳錢大法！飲天仁茗茶點做可以再抵D？用恒生卡 $11買到原價$25天仁Coupon😂！
延伸閱讀：什麼是ETF？5分鐘ETF新手入門攻略
不私藏慳錢大法 (優惠可能隨時間不斷更新)
和民lunch抵食大法
用Openrice Pay 買88折 Coupon + 食埋Mastercard Offer (滿$400減$60) ＋
再用MMPower 手機支付贈5.4% 現金回贈＋(如有)新地商場儲The point 積分！
共慳28% 接近$140！
手把手教你用$380買價值$500和民Coupon！
Step1: 首先， (按此)入Openrice的餐飲券界面搵和民的優惠。
Step2: 購買 $100【和民集團】5張現金券套裝，並選用Master Card比錢。
Step3:留意返！Master Card個滿$400減$60 Offer 每星期限150個，先到先得，額滿即止*。
*受優惠條款及細則約束，詳情可按此。
Step4:用咗MMPower 手機支付賺埋 5.4% 現金回贈！最後用咗$380就買到價值$500的和民Coupon！超級抵！
一共慳咗28% 接近$140！
Step5(如有):如果你係新地商場食和民(荃灣廣場果間)，仲可以儲埋The point 積分！
延伸閱讀：懶人投資法！港紙$1,000 起投資房地產！香港、美國、新加坡 Reits大比較
同場加映：飲天仁手搖慳錢大法
最平$11就飲到天仁(只限星期二用)！用Openrice Pay 買88折 Coupon＋再食埋恒生信用卡＋FUN Tuesday優惠！
平時天氣咁熱，買返杯冰涼手搖降溫都唔錯！分享個方法幫你慳多少少！依家Openrice同恒生有個+FUN Tuesday 的活動！只要你有指定恒生信用卡*＋入優惠碼【FUNTUE】，就可以用$11買到價值$25的天仁茗茶現金劵*(只限星期二用)！
另外，逢星期日／一／二，單一簽賬淨值滿$80或以上，可以用$1 Fun dollar 當$2洗，每單最高用$30 Fun dollar 當$60洗！
*不適用於恒生enJoy Visa白金卡、enJoy消費卡、銀聯信用卡、美元Visa金卡、人民幣信用卡、銀聯人民幣鑽石商務卡、e-shopping萬事達卡及專享卡。
*優惠期為2023年8月29日、9月5日、9月12日 、9月19日及9月26日。受優惠條款及細則約束，詳情可按此。
延伸閱讀：【投資理財入門】新手投資攻略！三大美股ETF介紹 (VOO、VTI、QQQ)
總結
善用你手上面每一個金錢，發揮最大的價值！唔用唔知Openrice 啲優惠咁正咁抵！ 幫大家一齊研究更多生活慳錢智慧！
延伸閱讀：【菲律賓買樓】菲律賓買樓懶人包！12條有關菲律賓買樓、回報、稅項、按揭的問答
延伸閱讀：【日本買樓】日本買樓懶人包！12條有關日本買樓 (回報、稅項、按揭) 的問答
延伸閱讀：【英國買樓】英國買樓懶人包！10條有關英國買樓 (簡介、準備、程序、稅項、按揭) 的問答
